Nesër në Kosovë do të mbajë mot kryesisht i vranët, kurse pasdite dhe në mbrëmje mund të ketë edhe riga lokale shiu, gjegjësisht fjolla dëbore sidomos në lindje dhe veri të vendit. Në viset tjera do të jetë kryesisht thatë me mundësi edhe për intervale të shkurtra kohore me diell.
Në Shqipëri, Maqedoninë e Veriut dhe Mal të Zi nesër do të mbajë mot me vranësira dhe intervale kohore me diell. Vende-vende do të ketë mundësi për reshje shiu dhe dëbore në viset malore.
Të martën në tërë rajonin pritet mot me intervale kohore me diell, vranësira dhe i freskët. Në mëngjes do të ketë gjasa për reshje shiu ose dëbore në disa rajone kryesisht kodrinore-malore.
Nga e mërkura stabilizim i motit dhe ngritje e temperaturave, kurse të enjtën dhe të premtën na pret mot i vërtetë pranveror, me rreze të shumta diellore dhe temperatura rreth 20 gradë Celsius./Meteoballkan
