Reshjet e borës do të vazhdojnë edhe gjatë natës në Kosovë me intensitet të ndryshëm, ndërsa nesër pritet që ato të përzihen me reshje shiu për shkak të prezencës së temperaturave mesdhetare shumë afër rajonit tonë dhe depërtimit të tyre të mundshëm. Herë pas here priten reshje intensive shiu, bore, shqote dhe vende-vende edhe shi të akullt. Reshje të reja të dendura shiu priten sidomos në Dukagjin, por edhe në Anamoravë, lokalisht edhe në vise tjera. Me luhatjen e temperaturave reshjet përsëri mund të shndërrohen në borë varësisht nga vendi, temperatura, pozita gjeografike, lartësia mbidetare. Rajonet afër Maqedonisë së Veriut kanë më pak gjasa për borë të madhe njëherë për njëherë.
Në Shqipëri dhe Maqedoninë Veriore nesër pritet mot i vranët dhe me reshje shiu. Borë vetëm në viset kodrinore-malore. Reshje të fuqishme shiu nesër vonë me rrebeshe intensive me vetëtima dhe bubullimë priten në veri të Shqipërisë, lokalisht edhe në vise tjera.
Nga e hëna gjatë ditës do të ketë ulje të intensitet të reshjeve, po ashtu edhe ulje të temperaturave, ndërsa gjatë javës tjetër pritet goditja e parë serioze polare, e cila mund të sjellë edhe reshje bore nëse Mesdheu do të mbetet ende aktiv me fusha ajrore ciklonike. Kësaj radhe ka shumë gjasa që reshje bore të ketë edhe në Maqedoninë Veriore dhe shumë rajone të Shqipërisë.
