Nesër në Kosovë na pret mot i vranët dhe më i ftohtë. Reshje shiu priten në orët e hershme të mëngjesit, ndërsa gjatë ditës do të ketë vranësira (dhe ndoshta edhe ndonjë interval i shkurtër kohor me diell) dhe reshje të pakta lokale. Në mbrëmje erërat do të fillojnë të fryjnë nga veriu dhe priten ulje të temperaturave. Reshjet më të dendura priten gjatë orëve të natës së sontme dhe mëngjesit të nesërm, pastaj reshjet do të jenë të pakta dhe lokale.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot kryesisht i vranët, ndërsa reshje të dendura shiu priten sonte gjatë natës dhe orëve të mëngjesit në Shqipëri. Reshje të dendura priten edhe në Maqedoni në mëngjes herët e në viset e larta malore reshje të dendura bore. Gjatë ditës nesër reshjet pritet të pushojnë.
Të mërkurën dhe të enjtën na pret mot kryesisht i vranët dhe më i ftohtë, me reshje lokale, të nganjëhershme shiu e bore, por pa ndonjë akumulim signifikant. Në përgjithësi do të vazhdojë mungesa e borës, përpos viseve malore.
Të premtën mëngjesi pritet të jetë i ftohtë dhe me acar, por jo shumë të theksuar. Gjatë ditës përmirësim gradual i motit./MeteoBallkan
