Nesër në Kosovë pritet të mbajë mot me diell, stabil dhe shumë i nxehtë. Temperaturat do të shënojnë rritje të mëtutjeshme dhe ajo maksimale parashihet deri në 39 gradë Celsius, prandaj rekomandohet të keni kujdes nga i nxehti i madh veror sidomos gjatë orëve të mesdites.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell, stabil dhe shumë i nxehtë. Temperaturat deri në 40 gradë Celsius në zonat më të nxehta të territoreve tona.
Nga e mërkura na pret mot shumë i nxehtë veror, por pasditeve do të fillojnë zhvillimet e vranësirave të cilat do të kushtëzojnë ndonjë rrebesh lokae shiu me vetëtima dhe bubullimë, fillimisht vetëm në disa zona kodrinore-malore, ndërsa në fundjavë edhe në shumë zona tjera. Temperaturat do të vazhdojnë të jenë jashtëzakonisht të larta, për të shënuar ulje gjatë fundjavës. Ulje më e theksuar e temperaturave pritet në zonat e rrebesheve eventaale të shiut./MeteoBallkan
