Nesër në Kosovë pritet të mbajë mot kryesisht me diell dhe stabil, por mëngjesi do të jetë mjaft i ftohtë, vende-vende me acar dhe mundësi për mjegull ose vranësira të ulëta.
Temperaturat parashihet të luhaten nga -3 minimalja deri në 12 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër parashihet të mbajë mot me diell dhe vranësira lokale. Mëngjesi do të jetë i ftohtë në disa rajone kontinentale edhe me acar, kurse në disa lugina do të ketë mjegull dhe vranësira të ulëta.
Të dielën në Kosovë pothuajse mot i ngjashëm, pak më i ngrohtë në mesditë, por pas diellit ditor në mbrëmje do të ketë shtim të vranësirave me mundësi për riga lokale shiu.
Në Shqipëri vranësirat do të shfaqen më shpejt gjatë ditës së diel, me reshje lokale shiu fillimisht në zonat bregdetare. Në mbrëmje reshje lokale shiu në shumë vise të Shqipërisë dhe perëndim të Maqedonisë së Veriut.
Të Hënën në të gjitha viset na pret mot i ndryshueshëm, me vranësira, lokalisht me mundësi për intervale kohore me diell dhe në shumë rajone po ashtu do të ketë reshje shiu e mundësi për rrebeshe shiu. Të martën më ngrohtë dhe pa reshje atmosferike./MeteoBallkan
