Agjencia për Zhvillimin e Bujqësisë ka njoftuar se po vazhdon ekzekutimi i pagesave direkte për fermerët, teksa ka bërë me dije se edhe listat e përfituesve janë publikuar tashmë.
Sipas njoftimit të AZHB’së, në sektorin e blegtorisë janë ekzekutuar pagesa në vlerë 1 milion e 454 mijë e 290 euro për 1 mijë e 149 fermerë përfitues, ndërsa për sipërfaqet bujqësore kanë përfituar 4 mijë e 475 fermerë me vlerë të përgjithshme prej 7 milionë e 716 mijë e 860 euro, përcjell Buletini Ekonomik.
Ndërkohë kanë përfituar 153 biznese, me vlerë të përgjithshme prej 1 milion e 36 mijë e 387 euro.
Numri total i aplikimeve për pagesa direkte ka qenë 33 mijë e 460 fermerë.
“AZhB po vazhdon punën intensive për ekzekutimin e të gjitha pagesave të parapara për fermerët që kanë aplikuar në kuadër të këtij procesi, ku kanë aplikuar gjithsej 33 mijë e 460 fermerë”, thuhet në njoftim.
