Nesër në Kosovë na pret mot me intervale kohore me diell dhe vranësira lokale. Pasdite parashihet të kemi zhvillime të fuqishme të vranësirave konvektive që do të kushtëzojnë rrebeshe shiu me vetëtima, bubullimë dhe mundësi për breshër. Vende-vende priten rrebeshe mjaft intensive dhe ndonjë shtrëngatë e fuqishme lokale.
Temperatura maksimale pritet të arrijë deri në 26 gradë Celsius.
Në Shqipëri, Maqedoninë Veriore, Luginën e Preshevës dhe Mal të Zi nesër pritet të mbajë mot me intervale kohore me diell dhe vranësira të cilat do të zhvillohen dhe kushtëzojnë stuhi lokale me vetëtima dhe bubullimë. Në viset bregdetare nuk priten zhvillime.
Nga e enjta deri të dielën na pret mot kryesisht i vranët, me reshje të shpeshta shiu dhe shtrëngata lokale me vetëtima dhe bubullimë. Në disa vise parashihet reshje të rrëmbyeshme që mund të jetë problematike për ato rajone. Nga e hëna përmirësim dhe stabilizim gradual i motit./METEOBALLKAN
