Nesër në Kosovë pritet të mbajë mot kryesisht me diell dhe mjaft i nxehtë Temperaturat maksimale pritet të luhaten nga 32 deri në 34 gradë Celsius.
Në Shqipëri, Maqedoninë Veriore, Luginë dhe Mal të Zi nesër pritet të mbajë mot me diell dhe shumë i nxehtë, me temperatura maksimale nga 35 deri në 38 gradë Celsius.
Të hënën dhe të martën na pret mot kryesisht me diell dhe shumë i nxehtë. Në tërë rajonin priten rritje të mëtutjeshme të temperaturave dhe ato maksimale në Kosovë mund të arrijnë deri në 37 gradë Celsius dhe 40 në rajon. Rrallë në ndonjë rajon mund të ketë ndonjë rrebesh të izoluar shiu me vetëtima dhe bubullimë.
Nga e mërkura përkeqësim i motit dhe më në fund ulje e temperaturave. Fillimisht në Kosovë priten edhe rrebeshe lokale shiu me vetëtima dhe bubullimë, pastaj ulja e temperaturave do të përfshijë gradualisht tërë rajonin me mundësi edhe për rrebeshe lokale shiu me vetëtima dhe bubullimë. Ka gjasa që edhe në bregdet të ketë rrebeshe shiu./Meteoballkan