Nesër në Kosovë pritet të mbajë mot kryesisht me diell dhe pak më i freskët sepse do të fryjnë erëra paksa të freskëta nga verilindja. Reshje nuk pritet të ketë.
Temperaturat parashihet të luhaten nga 16 minimalja deri në 31 gradë Celsius ajo maskimale.
Në Shqipëri pak më ndryshe. Gjatë ditës dhe pasdite parashihen zhvillime konvektive, kësaj radhe më shumë në perëndim të vendit dhe në jugperëndim si dhe në disa pjesë në viset qendrore priten rrebeshe lokale shiu me vetëtima dhe bubullimë. Temperaturat do të jenë më të këndshme krahasuar me ditët paraprake.
Mot më i këndshëm nesër pritet edhe në Maqedoninë Veriore me mundësi për ndonjë rrebesh lokal shiu në jugperëndim të vendit. Mot kryesisht me diell priten në Luginë të Preshevës dhe Mal të Zi.
Edhe dita e diel në Kosovë do të jetë kryesisht me diell në të gjithë territorin e Republikës së Kosovës. Mund të ketë vranësira ditore por pa reshje atmosferike. Në Shqipëri prapë priten zhvillime të rrebesheve lokale të shiut me vetëtima dhe bubullimë orëve të mesditës apo pasdites. Të dielën rrebesh lokal pritet edhe në Mal të Zi.
Në Maqedoninë Veriore dhe Kosovë e diela do të jetë mjaft e nxehtë dhe pa reshje.
Të hënën na pret një ditë mjaft e nxehtë. Pasdite priten rrebeshe të izoluara dhe kësaj radhe mund të ndodhin edhe në disa vise të Kosovës sidomos në veriperëndim të vendit apo në malet e Rugovës.
Të martën freskim dhe destabilizim në tërë Kosovën me rrebeshe shiu e ulje të temperaturave./MeteoBallkan
