Nesër në Kosovë pritet të mbajë mot me vranësira, intervale kohore me diell dhe rrallë në disa vise kryesisht kodrinore-malore mund të ketë fjolla sporadike bore. Temperaturat minimale pritet të luhaten nga -5 deri në -1 gradë Celsius, ndërsa ajo makksimale rreth 3 ose 4 gradë Celsius.
Në Shqipëri nesër pritet të mbajë mot kryesisht stabil dhe relativisht i ftohtë. Më shumë rreze diellore priten në perëndim dhe jug e më shumë vranësira në veri dhe lindje. Reshje nuk pritet të ketë.
Mot me vranësira dhe intervale kohore me diell nesër pritet të mbajë edhe në Maqedoninë Veriore, Mal të Zi dhe Luginë. Në Luginë më shumë vranësira dhe me ndonjë fjollë sporadike bore.
Mot i ngjashëm pritet deri në fundjavë kur pritet të kemi intensifikim të reshjeve të borës në viset kontinentale si dhe ulje të mëtutjeshme të temperaturave, por ende nuk priten reshje të mëdha bore dhe se reshjet e borës ende do të jenë të karakterit lokal./MeteoBallkan
