Nesër në Kosovë pritet të kemi mot me intervale të gjata kohore me diell sidomos paradite dhe në mesditë. Pasdite pritet të ketë shtim të vranësirave dhe reshje lokale shiu, më të koncenktruara në pjesën veriore të vendit. Mëngjesi pritet të jetë i ftohtë dhe vende-vende me mjegull dhe mundësi edhe për brymë. Gjatë ditës rritje e temperaturave dhe ajo maksimale pritet të arrijë deri në 21 ose 22 gradë Celsius.
Në Shqipëri, Maqedoninë Veriore, Mal të Zi dhe Luginën e Preshevës nesër pritet të mbajë mot me intervale të gjata kohore me diell dhe vranësira lokale. Rrallë në ndonjë rajon mund të ketë ndonjë rigë afatshkurtër shiu.
Nga e marta do të fuqizohen rrymimet ajrore nga veriu, kështu që na pret mot me intervale kohore me diell dhe vranësira të shpeshta të cilat vende-vende pritet të kushtëzojnë edhe riga të herëpashershme shiu kryesisht të dobëta. Në viset e larta do të paraqiten fjollat e para të borës. Në viset bregdetare më shumë diell e më ngrohtë, por edhe atje mbetet relativisht freskët./MeteoBallkan
