Nesër në Kosovë do të mbajë mot stabil dhe i ngrohtë për këtë periudhë kohore. Pasdite vonë do të ketë shtim gradual të vranësirave, kurse gjatë natës do të fillojnë edhe reshjet e shiut dhe të borës. Reshje pak më intensive do të ketë në orët e hershme të mëngjesit të së enjtes. Në viset kodrinore-malore do të ketë reshje bore, por reshje bore do të ketë edhe në disa ultësira.
Edhe në Shqipëri nesër do të mbajë mot kryesisht stabil deri në mbrëmje kur pritet shtim i vranësirave dhe fillimi i reshjeve të shiut. Gjatë natës priten reshje shiu në shumicën e territorin të Shqipërisë, kurse në verilindje, lindje dhe juglindje mund të paraqiten edhe reshjet e borës kryesisht në viset kodrinore-malore.
Në Maqedoninë Veriore nesër do të mbajë mot kryesisht stabil. Reshje shiu do të fillojnë gjatë orëve të natës, kurse mot i ngjashëm pritet edhe në Mal të Zi me tendenca destabilizimi në orët e mbrëmjes.
Të enjten gjatë mëngjesit dhe paradites priten reshje shiu dhe bore në shumicën e territorit të rajonit tonë. Priten edhe ulje të temperaturave dhe erëra veriore. Gjatë ditës reshjet do të ndërpriten por do të jetë ftohtë.
Të premten dhe të shtunën pritet stabilizim gradual i motit. Priten alternime vranësirash dhe intervaleve kohore me diell. Reshjet do të jenë të rralla dhe sporadike. Nga e diela do të kemi ngritje të ndjeshme të temperaturave./Meteoballkan
