Rrebeshet e shiut sonte gjatë natës pritet të fillojnë në shumë pjesë të Kosovës dhe Shqipërisë, madje në Shqipëri priten rrebeshe intensive me vetëtima dhe bubullimë në Durrës, Tiranë e rrethinë. Reshjet pastaj do të shtrihen në shumë pjesë të territorit përpos jugut të skajshëm të vendit.
Nesër në Kosovë pritet të kemi mjaft jo-stabil, me vranësira dhe reshje shiu. Vende-vende nganjëherë priten rrebeshe intensive shiu me vetëtima dhe bubullimë dhe mundësi edhe për breshër afatshkurtër.
Në Shqipëri, Maqedoninë Veriore dhe Mal të Zi nesër pritet të mbajë mot me vranësira dhe reshje të herëpasheshme shiu. Vende-vende priten rrebeshe intensive shiu me vetëtima dhe bubullimë. Më së paku reshje priten në jugun e skajshëm të Shqipërisë.
Të premtën na pret mot me vranësira, intervale kohore me diell dhe në mëngjes mundësi për reshje lokale shiu në Kosovë. Gjatë ditës pritet kthjellim i motit dhe pastaj priten alternime mes vranësirave dhe intervaleve kohore me diell.
Të shtunën përmirësim i motit dhe ngritje e temperaturave. Priten intervale të gjata kohore me diell, ndërsa nga e diela na pret mot i ngrohtë veror, me ngritje të ndjeshme të temperaturave./Meteoballkan
