Nesër në Kosovë do të mbajë mot kryesisht i vranët dhe gjatë ditës priten reshje shiu dhe këto reshje kësaj radhe na vijnë nga Mesdheu. Temperaturat edhe nesër do të mbesin relativisht të ulëta për shkak të sistemit të vranësirave nga Mesdheu dhe rigave të shiut.
Në Shqipëri dhe rajon nesër pritet të mbajë mot kryesisht i vranët, por vende-vende priten edhe intervale kohore me diell. Në disa vise priten riga lokale shiu.
Të premtën temperaturat shënojnë rritje për shkak të intervaleve kohore më të gjata me diell dhe mases së ngrohtë ajrore nga Mesdheu, por priten edhe zhvillime lokale të vranësirave të cilat pritet të kushtëzojnë rrebeshe lokale shiu me vetëtima dhe bubullimë. Mot me intervale kohore me diell dhe rrebeshe lokale pritet edhe të shtunën, ndërsa të dielën na pret ditë e ngrohtë me shumë rreze diellore dhe temperatura deri në 25 gradë Celsius./MeteoBallkan