Nesër në Kosovë pritet të mbajë mot kryesisht stabil, por mjaft i ftohtë, me alternime mes vranësirave dhe intervaleve kohore me diell. Rrallë në ndonjë rajon mund të ketë fjolla afatshkurtra bore.
Në Shqipëri dhe tërë rajonin tonë nesër pritet të mbajë mot kryesisht stabil, me alternime mes vranësirave dhe intervaleve të gjata kohore me diell. Temperaturat pritet të shënojnë ulje për shkak të rrymimeve ajrore nga veriu.
Edhe ditëve të ardhshme na pret mot kryesisht stabil dhe shumë i ftohtë veçanërisht gjatës natës dhe mëngjesit. Gjatë ditës priten alternime mes intervaleve të gjata kohore me diell dhe vranësirave lokale. Temperaturat ditore pritet të luhaten nga 0 deri në 4 gradë Celsius. Në Shqipëri (mesdhetare) pak më ngrohtë. Gjatë netëve dhe mëngjeseve priten minuse nga -5 (nëpër ultësira)deri në -15 gradë Celsius në disa vise malore, madje në malet e Malit të Zi mund të jetë edhe më ftohtë.
Nga e enjta zbutje graduale e acarit, ndërsa nga e premta rritje të ndjeshme të temperaturave. Për fundjavë në Kosovë pritet mot i ngrohtë për këtë periudhë kohore me intervale kohore me diell, vranësira, ndonjëe rigë lokale shiu dhe erëra jugore. Në Shqipëri priten reshje lokale shiu të cilat vende-vende do të vijnë duke u intensifikuar gradualisht./MeteoBallkan
