Nesër në Kosovë na pret mot stabil, por mëngjesi do të jetë mjaft i ftohtë dhe me ngrica e brymë. Temperatura minimale pritet të ulet afërsisht deri në -6 gradë Celsius. Gjatë ditës rritje e temperaturave, ngase do të fillojë të depërtojë ajri paksa më i ngrohtë mesdhetar. Temperatura maksimale pritet të arrijë deri në 9 gradë Celsius.
Në Shqipëri dhe rajon nesër pritet të mbajë mot stabil dhe gjatë ditës me intervale të gjata kohore me diell. Mëngjesi do të jetë i ftohtë sidomos në zonat kontinentale.
Nën ndikimin e fuqishëm anticiklonik, edhe ditëve të ardhshme na pret mot kryesisht stabil. Edhe pse po hymë direkt në dimër edhe me matje kalendarike, temperaturat do të shënojnë rritje graduale, pothuajse çdo ditë. Edhe temperaturat minimale do të zbuten paksa, ndërsa ato maksimale do të shkojnë mbi 10 gradë Celsius, madje gjatë fundjavës deri në 15 gradë Celsius. Në zonat mesdhetare deri në 20 gradë Celsius./MeteoBallkan
