Një front i dobët i ftohtë ajror po kalon edhe sonte përmes rajonit tonë duke shkaktuar destabilizim të pjesshëm të motit. Gjatë natës dhe mëngjesit në disa rajone në Kosovë priten reshje shiu dhe bore të intensitetit të dobët. Reshjet do të jenë kryesisht në verilindje, lindje dhe juglindje të vendit. Priten edhe erëra veriore të cilat do të vazhdojnë edhe nesër, por asgjë për tu shqetësuar.
Nesër në Kosovë do të mbajë mot me vranësira dhe intervale kohore me diell. Në mëngjes mund të ketë reshje të dobëta shiu ose bore në disa rajone.
Do të jetë pak më ftohtë se sot për shkak të erërave veriore të cilat do të qetësohen tërësisht në mbrëmje.
Në Shqipëri dhe rajon nesër pritet të mbajë mot me intervale kohore me diell dhe vranësira kalimtare. Në disa rajone kryesisht kodrinore-malore mund të ketë reshje afatshkurtra shiu ose bore.
Pasnesër pas një mëngjesi të ftohtë gjatë dites pritet rikthimi i motit pranveror. Pritet ditë me mot të ngrohtë, stabil dhe të këndshëm./Meteoballkan
