Nesër në Kosovë pritet të mbajë mot më i freskët, me intervale kohore me diell dhe vranësira lokale. Pasdite dhe në mbrëmje priten zhvillime të fuqishme konvektive të cilat do të kushtëzojnë rrebeshe lokale shiu me vetëtima dhe bubullimë. Vende-vende priten rrebeshe mjaft intensive shiu me vetëtima dhe bubullima masive.
Në Shqipërinë bregdetare sonte gjatë orëve të natën priten rrebeshe intensive shiu me vetëtima dhe bubullimë, por nuk do të zgjasin shumë. Sistemi do të zhvendoset drejt jugut deri në mëngjes. Gjatë ditës priten intervale kohore me diell dhe vranësira të cilat do të marrin karakter zhvillime duke kushtëzuar rrebeshe lokale shiu me vetëtima dhe bubullimë. Rrebeshe shiu nesër pasdite priten edhe në Maqedoninë Veriore dhe Luginën e Preshevës, vende-vende mjaft intensive.
Të hënën dhe të martën përmirësim i motit dhe rritje e temperaturave por nuk pritet nxehtësi e madhe, megjithatë në viset mesdhetare pritet të jetë vapë.
Të mërkurën pasdite në Kosovë pritet rrebeshe lokale shiu me ndonjë vetëtimë dhe bubullimë./METEOBALLKAN
