Sonte gjatë natës do të fillojnë reshjet e shiu në Kosovë, Shqipëri, Mal të Zi dhe pjesë të Maqedonisë së Veriut. Priten reshje shiu të intensitetit të ndryshëm, ndërsa reshjet do të pushojnë nesër në mëngjes ose gjatë orëve të paradites për të vazhduar pastaj alternimet e vranësirave, intervaleve kohore me diell dhe riga lokale të shiut. Priten ulje të lehta të temperaturave.
Nesër në Kosovë dhe tërë rajonin do të mbajë mot me intervale kohore me diell, vranësira dhe vende-vende riga lokale shiu. Mund të ketë edhe rrebeshe të izoluara shiu me ndonjë vetëtimë dhe bubullimë.
Nga e hëna na pret mot i ndryshueshëm, me intervale kohore me diell dhe vranësira të herëpashershme. Në Shqipëri të martën vonë dhe të mërkurën mund të ketë reshje shiu./Meteoballkan
