Nesër në Kosovë do të mbajë mot me vranësira dhe intervale kohore me diell. Do të jetë ftohtë sikurse sot, ndërsa vende -vende ekzistojnë gjasa të ketë fjolla të dobëta bore. Gjatë ditës apo pasdite pritet që erërat të qetësohen.
Në Shqipëri, Maqedoni dhe Mal të Zi nesër do të mbajë mot me vranësira kalimtare dhe intervale të gjata kohore me diell. Mëngjesi do të jetë mjaft i ftohtë. Reshje atmosferike nuk pritet të ketë.
Anticikloni i fuqishëm me qendër në Evropë do të vazhdojë të ndikojë në kushtet atmosferike mbi rajonin tonë edhe disa ditë, kështu që ditëve të ardhshme nuk pritet ndonjë ndryshim i motit. Pritet që të kemi dobësimin e erërave dhe ngritjen graduale të temperaturave. Në disa rajone e sidomos nëpër lugina do të krijohen kushte për mjegull. Reshje atmosferike nuk pritet të ketë. Gjendja sinoptike do të fillojë të ndryshojë ditën e fundit të këtij viti, por se si do të përcjellet ky ndryshim i kushteve atmosferike një herë për një herë nuk mund të specifikojmë asgjë për shkak të kontradiktave të mëdha që ekzisojnë mes modeleve globale për parashikim të motit. Kjo situatë sigurisht se do të sqarohet ditëve të ardhshme dhe ne do tju informojmë me kohë dhe saktësisht. /Meteoballkan.
