Nesër në Kosovë na pret mot kryesisht me diell dhe stabil. Do të ketë vranësira të pakta lokale por pa reshje atmosferike. Temperaturat shënojnë rritje dhe ajo maksimale parashihet të arrijë deri në 30 gradë Celsius.
Në Shqipëri, Maqedoninë Veriore, Kosovën lindore dhe Mal të Zi nesër pritet të mbajë mot kryesisht me diell, stabil dhe i nxehtë. Vranësira lokale parashihen, por pa reshje atmosferike.
Të mërkurën në mëngjes dhe paradite në Kosovë ngrohtë dhe kryesisht me diell. Nga mesdita dhe pasdite do të ndryshojnë kushtet sinoptike. Ardhja e një fronti të ftohtë do të shkaktojë destabilizim të atmosferës, shtim të konsiderueshëm të vranësira dhe reshje shiu e rrebeshe lokale me vetëtima dhe bubullimë. Lokalisht priten rrebeshe intensive dhe do të pasojë ulja e temperaturave.
Në Shqipëri të mërkurën pritet mot i nxehtë dhe me diell. Vetëm në veri të vendit pasdite vonë priten rrebeshe lokale shiu me vetëtima dhe bubullimë. Destabilizim pasditen e së mërkurës pritet edhe në veri të Malit të Zi, Maqedoninë Veriore dhe Luginën e Preshevës.
Të enjtën më freskët ndërsa fronti me reshje lokale përparon drejt jugut qendres dhe jugut të Shqipërisë. Priten reshje lokale sidomos në mëngjes dhe paradite edhe në Kosovë ku pastaj gjatë dites do të pasojë stabilizimi motit.
Të premten përmirësim i motit dhe rritje e temperaturave, ndërsa rrebeshet lokale rikthehen të shtunën vonë pasdite./METEOBALLKAN
