Sonte gjatë natës ose orëve të hershme të mëngjesit përpos shumë pjesëve të Shqipërisë, lokalisht edhe në Kosovë priten reshje dhe rrebeshe të lokalizuara shiu, ndërsa dita e nesërme vijon me vranësira e intervale kohore me diell.
Pasdite dhe në mbrëmje (të Mërkurën) pritet të ketë shtim të madh të vranësirave me reshje e rrebeshe shiu në gati tërë Kosovën ku nuk përjashtohet mundësia edhe për ndonjë vetëtimë dhe bubullimë.
Në Shqipëri të Mërkurën priten reshje e rrebeshe shiu sidomos orëve të pasdites dhe mbrëmjes kur një front vjen nga perëndimi dhe jugu me rrebeshe lokalisht intensive shiu me vetëtima dhe bubullimë. Në mbrëmje reshjet përfshijnë edhe Maqedoninë Veriore dhe Luginën e Preshevës.
Të Enjten na pret mot me vranësira e intervale kohore me diell, ndërsa parashihen reshje të izoluara vetëm në disa zona të caktuara. Temperaturat pa ndonjë ndryshim të madh.
Të Premten dhe të Shtunën më shumë diell dhe pak vranësira si dhe me temperatura të larta për këtë periudhë kohore.
Nga e diela fillon ulja e ndjeshme e temperaturave ku ka mundësi edhe për reshje lokale shiu e bore./MeteoBallkan
