Nesër në Kosovë pritet të mbajë mot kryesisht i vranët dhe me reshje shiu e rrebeshe lokalisht të fuqishme shiu me vetëtima, bubullimë dhe mundësi për breshër. Jo-stabilitetet atmosferike pritet të fillojnë orët e mëngjesit ku vende-vende priten rrebeshe lokale shiu me vetëtima dhe bubullimë. Gjatë dites mund të ketë edhe intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe lokalisht të fuqishme shiu me vetëtima dhe bubullimë.
Në Shqipëri gjatë natës pritet të fillojnë rrebeshet lokale fillimisht në veri dhe veriperëndim të vendit, ndërsa nesër pothuajse në tërë vendin priten rrebeshe lokale shiu me vetëtima, bubullimë dhe mundësi për breshër. Rrebeshe mjaft të fuqishme dhe shtrëngata intensive nesër priten në Maqedoninë Veriore ku priten edhe vërshime. Vërshime afatshkurtra mund të ketë edhe në viset tjera lokalisht.
Edhe Kosova Lindore dhe Mali i Zi nesër do të duhej të presin rrebeshe lokale shiu me vetëtima dhe bubullimë.
Të hënën na pret mot më i qetë, megjithatë pasdite në Kosovë priten rrebeshe lokale shiu me vetëtima dhe bubullimë, por rrebeshet do të jenë në zona më të izoluara. Në Shqipëri priten riga lokale shiu, ndërsa nga e marta në Shqipëri mot kryesisht stabil dhe me diell.
Nga e marta rritje e temperaturave, por ende në Kosovë dhe pjesë të Maqedonisë së Veriut priten rrebeshe lokale shiu me vetëtima dhe bubullimë.
Nga e mërkura na pret mot mjaft i nxehtë dhe kryesisht me diell në tërë rajonin duke mos përjashtuar krejtësisht mundësinë për ndonjë rrebesh të izoluar, afatshkurtër shiu./MeteoBallkan
