Nesër në Kosovë do të mbajë mot mjaft i ftohtë dhe kryesisht i kthjellët por edhe me vranësira kalimtare. Reshje nuk do të ketë me ndonjë përjashtim të vogël aty-këtu ku mund të ketë ndonjë fjollë bore. Temperaturat do të jenë shumë të ulëta gjatë tërë ditës.
Në Shqipëri nesër mot me kryesisht me kthjellime dhe mjaft i ftohtë në pjesët kontinentale kurse pak më i ngrohtë në viset bregdetare. Reshje nuk parashihet të ketë.
Edhe në Maqedoni nesër mot mjaft I ftohtë dhe me erëra të ftohta veriore.
Nga dita e nesërme rajoni ynë do të jetë nën ndikimin e masave ajrore të thata anticiklonike dhe të ftohta që vijnë nga Evropa Verilindore. Mot i ngjashëm pritet të mbajë edhe ditën e Premte me mundësi për acar të fortë gjatë natës dhe mëngjeseve nëse nata do të jetë e kthjellët.
Nga dita e shtunë temperaturat do të fillojnë të ngriten por shumë gradualisht. Nga Atlantiku në drejtim të rajonit tonë nga e diela do të fillojnë të depërtojnë masa më të nxehta ajrore të cilat do të zbusin dhe largojnë acarin nga trojet tona përkohësisht.Meteoballkan
