Nesër në Kosovë pritet të kemi mot me vranësira dhe intervale kohore me diell. Erërat jugperëndimore do të vijnë duke u fuqizuar gradualisht, ndërsa vende-vende priten riga ose ndonjë rrebesh lokal shiu. Temperaturat pritet të lëvizin nga 7 deri në 18 gradë Celsius.
Në Shqipëri nesër pritet të mbajë mot kryesisht i vranët dhe vende-vende priten edhe reshje shiu. Mot me vranësira dhe intervale kohore me diell nesër pritet të mbajë në Maqedoninë Veriore, Mal të Zi dhe Luginën e Preshevës. Në disa vise priten riga lokale shium ndërsa erëra nga jugu do të fillojnë të fuqizohen.
Të enjtën na pret mot me vranësira, erëra jugore dhe riga lokale shiu. Ende nuk priten reshje të theksuara në Kosovë, ndërsa në Shqipëri vende-vende priten reshje më intensive shiu dhe rrebeshe shiu.
Nga e premta na pret mot mjaft i paqëndrueshëm, me vranësira, ndonjë interval kohor me diell, ndërsa priten edhe zhvillime të vranësira të cilat do të kushtëzojnë reshje të herëpashershme shiu dhe vende-vende edhe rrebeshe lokale shiu me vetëtima dhe bubullimë. Do të vazhdojnë erërat nga jugu të cilat nganjëherë pritet të jenë të fuqishme./MeteoBallkan