Nesër në Kosovë, Shqipëri dhe Maqedoni do të mbajë mot mjaft i ftohtë dhe i thatë. Kjo vjen si pasojë e masave të thata ajrore anticiklonike të cilat kushtëzojnë mot pas reshje si dhe masave të ftohta polare nga veriu.
Do të kemi edhe erëra të ftohta veriore të cilat do të shtojnë dukshëm ndjeshmërinë subjektive të të ftohtit polar. Gjatë ditës do të ketë intervale të gjata kohore me diell por edhe vranësira kalimtare.
Mot i ngjashëm në tërë rajonin tonë do të mbajë edhe ditën e shtunë me një mëngjes mjaft të ftohtë, kurse gjatë ditës priten ngritje shumë të lehta të temperaturave. Ditën e diel acari do të zbutet pak si pasojë e fillimit të depërtimit të masave ajrore më të nxehta nga Mesdheu por me origjinë nga Atlantiku.
Edhe në Mal të Zi pritet mot i ngjashëm pra i ftohtë në qendër dhe veri por pak më i ngrohtë në jug. Reshje nuk do të ketë. Meteoballkan.
