Dita e fundit e vitit 2022 nuk do të sjellë ndonjë risi meteorologjike.
Nesër në Kosovë na pret mot stabil, me intervale të gjata kohore me diell dhe vranësira lokale. Mëngjesi do të jetë paksa i ftohtë dhe me mundësi për mjegull nëpër lugina dhe ultësira. Temperatura minimale -1 gradë Celsius, ndërsa ajo maksimale rreth 13 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me intervale kohore me diell dhe vranësira lokale. Vetëm në disa zona bregdetare të Shqipërisë mund të ketë riga lokale shiu të cilat nuk do të zgjasin shumë.
Mot i ngjashëm do të vazhdojë edhe ditëve të ardhshme. Priten mëngjese me mjegull vende-vende, ndërsa ditët stabile, me intervale kohore me diell dhe vranësira lokale dhe relativisht të ngrohta për këtë periudhë kohore./MeteoBallkan
