Sot në Kosovë do të mbajë mot me intervale të gjata kohore me diell dhe vranësira të herëpashershme. Do të jetë më ngrohtë me temperaturave maksimale nga 15 deri në 18 gradë Celsius në nivel vendi.
Në Shqipëri pritet të ketë mot me vranësira, intervale kohore me diell dhe vende-vende me riga shiu, kurse në Maqedoninë e Veriut dhe Mal të Zi sot do të mbajë mot me vranësira, intervale kohore me diell dhe kryesisht i thatë. Do të jetë më ngrohtë në tërë rajonin.
Mot të ngjashëm pritet të kemi edhe të hënën në tërë rajonin tonë, ndërsa të martën do të kemi fillimin e depërtimit të një fronti të ftohtë ajror nga veriperëndimi i Kontinentit. Priten erëra veriore, veriperëndimore dhe ulje e temperaturave. Në Shqipëri, Maqedoninë Veriore dhe Mal të Zi priten edhe reshje lokale shiu. Pasdite vonë në Mal të Zi pritet që reshjet të intensifikohen, ndërsa do të fillojnë edhe reshje të dendura bore.
Të mërkurën me 1 Prill (sipas ecurive aktuale- ende mund të ketë ndryshime) na pret ditë e vërtetë dimërore, me reshje të dendura bore në Kosovë dhe shumë pjesë të Shqipërisë, Maqedonisë së Veriut dhe Malit të Zi./Meteoballkan
