Soz në Kosovë do të mbajë mot krejtësisht i vranët dhe me reshje shiu. Vende-vende, herë pas here priten reshje të dendura shiu. Në viset malore reshje shqote dhe bore.
Në Shqipëri pritet të mbajë mot krejtësisht i vranët dhe me reshje shiu. Në jug, jugperëndim, juglindje, qendër dhe lindje herë pas here priten reshje të dendura shiu. Në jug dhe jugperëndim edhe rrebeshe intensive shiu me vetëtima dhe bubullimë.
Reshje shiu priten edhe në Maqedoninë Veriore, vende-vende dhe herë pas here intensive, ndërsa në viset malore reshje të dendura bore. Edhe në Mal të Zi nesër mot plotësisht i vranët dhe herë pas here me reshje shiu e bore.
Të martën në Kosovë dhe rajon pritet mot me intervale kohore me diell dhe kryesisht pa reshje, por pasdite vonë në Shqipëri (jo në krejt territorin) do të rifillojnë reshjet e shiut e po ashtu edhe në veriperëndim të Kosovës. Nëpër male reshje bore.
Të mërkurën dhe të enjten na pret mot plotësisht i vranët dhe me reshje shiu e bore nëpër viset kodrinore-malore./Meteoballkan
