Sot në Kosovë pritet të mbajë mot kryesisht me diell, por edhe me vranësira të pakta lokale. Do të ketë erëra të lehta, mesatare e deri të fuqishme nga jugu dhe jugperëndimi. Temperaturat minimale pritet të luhaten nga -1 deri në 1 gradë Celsius, ndërsa ato maksimale nga 12 deri në 16 gradë Celsius.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me diell dhe vranësira si dhe me erëra nga jugu dhe jugperëndimi.
Të hënën do të kemi një front të dobët të ftohtë ajror. Fronti do të kushtëzojë erëra nga veriu dhe vranësira kalimtare. Rrallë në disa vise priten reshje krejtësisht të dobëta atmosferike. Priten ulje kryesisht të lehta të temperaturave.
Nga e marta stabilizim i kushteve të motit dhe përsëri rritje e temperaturave, ndërsa erërat do të rifillojnë të fryjnë nga jugperëndimi./MeteoBallkan
