Sot në Kosovë pritet të mbajë mot i vranët, i zymtë dhe me reshje lokale shiu e bore. Temperaturat do të pësojnë ulje dhe do të ketë erëra të ftohta nga veriu dhe verilindja. Minimalja parashihet të zbresë deri në -2 gradë C., ndërsa maksimalja deri në 4 gradë Ceslius. Reshjet e borës do të jenë të karakterit lokal dhe në ato rajone ku ndodhin priten pamje të mrekullueshme afatshkurtra në proces.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira dhe reshje lokale shiu e bore. Reshje lokale shiu në zonat e ulëta e në mbrëmje bore në viset kodrinore-malore dhe disa zona të ulëta në verilindje, lindje të Shqipërisë, Maqedoni, Luginë dhe veri të Malit të Zi.
Të premten na pret mot i ftohtë dhe kryesisht i vranët, por në shumë vise (Shqipëri) edhe me intervale kohore me diell. Reshjet e borës do të jenë të pranishme vetëm në disa zona kryesisht kodrinore-malore dhe në sasi të pakta.
Për fundjavë përmirësim i motit, rritje e lehtë e temperaturave ditore, ndërsa reshje të dobëta kalinmtare mund të ketë të dielen vonë./MeteoBallkan
