Sot në Kosovë do të mbajë mot kryesisht i vranët dhe me reshje të herëpashershme shiu. Në viset kodrinore malore do të ketë reshje bore. Reshjet e borës mund të paraqiten shkurtimisht edhe në disa qytete apo qyteza të Republikës së Kosovës.
Edhe në Shqipëri dhe tërë rajonin pritet të mbajë mot kryesisht i vranët dhe me reshje të herëpashershme shiu. Në viset malore do të ketë reshje bore.
Të enjten në tërë rajonin do të kemi intervale kohore me diell por do të jetë relativisht ftohtë me erëra veriore dhe veriperëndimore. Në disa rajone mund të ketë fjolla afatshkurtra bore.
Nga e premtja do të kemi ngritje të ndjeshme të temperaturave dhe erëra jugperëndimore./Meteoballkan
