Sot në Kosovë pritet të mbajë mot mjaft jo-stabil. Priten intervale kohore me diell dhe gjatë ditës zhvillime të fuqishme të vranësirave vertikale të cilat pritet të kushtëzojnë reshje shiu dhe rrebeshe lokale shiu me vetëtima dhe bubullimë. Vende-vende mund të ketë edhe shtrëngata afashkurtra me breshër. Për shkak të lagështisë së lartë relative të ajrit pritet të jetë zagushi.
Në Shqipëri, Maqedoninë Veriore, Mal të Zi dhe Luginën e Preshevës pritet të mbajë mot mjaft i ndryshueshëm, me intervale kohore me diell dhe zhvillime të vranësirave të shiut të cilat do të kushtëzojnë reshje shiu dhe rrebeshe lokale me vetëtima dhe bubullimë. Reshjet nuk do të jenë gjithëpërfshirëse.
Edhe të shtunën na pret mot i ngjashëm, me alternime mes intervaleve kohore me diell dhe zhvillimeve të fuqishme të vranësirave të cilat herë pas here dhe vende-vende pritet të kushëzojnë reshje shiu dhe rrebeshe lokale me vetëtima dhe bubullimë.
Të dielën pritet deprëtimi i një fronti të ftohtë ajror i cili nga veriu së pari do të përfshijë Kosovën me reshje shiu dhe rrebeshe lokale me vetëtima dhe bubullimë, pastaj pasdite fronti do të përfshijë edhe Maqedoninë por reshjet në Maqedonin do të jenë lokale.
Nga e hëna përmirësim i motit por mbetet freskët, ndërsa nga e marta temperaturat do të fillojnë të rriten./Meteoballkan
