Sot në Kosovë do të mbajë mor kryesisht i vranët me mëngjes mjaft të ftohtë ndërsa gjatë ditës pritet që i ftohti të zbutet pak. Kjo vjen si pasojë e një vorbulle të re ciklonike e cila na vjen nga Evropa Verilindore. Gjatë natës në të dielën në disa rajone në Kosovë do të rifillojnë reshjet e borës.
Në Shqipëri mot kryesisht i vranët dhe mjaft i ftohtë, ku vende-vende ka mundësi që të ketë reshje të dobëta bore.
Në Maqedoni mot i ftohtë dhe kryesisht i vranët por edhe me intervale kohore me diell, kurse në Mal të Zi pas një paraditeje të ftohtë dhe të thatë pasdite dhe në mbrëmje priten reshje bore.
Të dielën vorbulla ciklonike nga Evropa Verilindore do ti afrohet Kosovës duke kushtëzuar reshje të reja bore, por edhe kësaj radhe reshjet nuk do të jenë intensive dhe as gjithëpërfshirëse. Por, në disa rajone mund të ketë reshje herë pas here të dendura bore. Të dielën në Shqipri pritet mit kryesisht i thatë dhe i ftohtë, me përjashtim të lindjes dhe juglindjes ku priten reshje të dobëta bore. Në Maqedoni, në perëndim të vendit priten reshje të dobëta bore, kurse në viset tjera kryesisht mot i thatë të dielën, ndërsa në Mal të Zi në veri deri në qendër priten reshje bore, ndërsa nga qendra në jug nuk priten reshje atmosferike.
Nga e hëna në tërë rajonin priten ulje të reja të temperaturave dhe erëra të ftohta dhe të akullta veriore, kurse reshje të dobëta bore do të ketë vetëm në Kosovë.
Sipas ecurive aktuale sinoptike, reshje të dendura bore në shumë rajone të vendit tonë priten nga e Mërkura, por përë këtë nuk po ngutemi të konkludojmë asgjë, sepse është periudhë e largët dhe mund të ketë ndryshime, kështu që do të flasim në postimet tona tjera./Meteoballkan.
