Sot në Kosovë do të mbajë mot i ngjashëm sikurse sot. Dallimi i vetëm është se do të ketë erëra mesatare nga veriu dhe verilindja të cilat do të shkaktojnë ulje të lehta të temperaturave ditore. Mëngjesi do të jetë me acar dhe mundësi për mjegull vende-vende e cila do të shpërndahet gjatë ditës.
Në Shqipëri dhe tërë rajonin pritet të mbajë mot pothuajse tërësisht i ngjashëm sikurse sot.
Të premten dhe të shtunën pritet të mbajë mot me intervale kohore me diell dhe vranësira kalimtare. Do të fillojnë të fryjnë erëra të lehta nga jugu dhe jugperëndimi të cilat në disa rajone do të vijnë duke u fuqizuar gradualisht. Në bregdetin shqiptar dhe malazez mund të ketë reshje të herëpashershme të dobëta shiu, pak më intensive në veriperëndim të vendit dhe jug të Malit të Zi.
Të dielën në tërë rajonin priten reshje lokale shiu, në Shqipëri vende-vende priten reshje intensive sidomos në veri dhe veriperëndim të vendit, ndërsa në Kosovë reshjet e shiut do të fillojnë vonë pasdite ose në mbrëmje për të vazhduar edhe gjatë natës në të hënën. Në viset më të larta malore priten reshje bore.Vende-vende do të ketë gjasa edhe për rrebeshe shiu me vetëtima dhe bubullimë./Meteoballkan
