Sot në Kosovë pritet të kemi mot të nxehtë, por të ndryshueshëm. Paradite me diell dhe shumë i nxehtë, ndërsa pasdite parashihen zhvillime të vranësirave të rrebesheve lokale të shiut me vetëtima dhe bubullimë. Temperaturat do të shënojnë ulje në kohën e rrebesheve të shiut të cilat do të jenë të karakterit lokal.
Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot me diell dhe vranësira lokale. Pasdite në veri dhe verilindje të Shqipërisë, Mal të Zi dhe rrallë në disa zona në Maqedoninë Veriore priten rrebeshe lokale shiu me vetëtima dhe bubullimë. Mund të ketë edhe ndonjë shtrëngatë të fuqishme lokale. Temperaturat vazhdojnë të jenë të larta përpos zonave të rrebesheve të shiut ku do të pësojnë ulje kalimtare.
Edhe të Martën shumë nxehtë dhe ma zagushi, por nuk do të mungojnë rrebeshet e izoluara të shiut, kurse të mërkurën do të kemi ndryshim substancial të motit. Pritet të kemi dendësim masiv të vranësirave me rrebeshe lokale intensive shiu me vetëtima, bubullimë dhe breshër në disa zona. Temperaturat më në fund do të pësojnë ulje më të theksuara dhe do të ndërpritet vala mjaft e fuqishme dhe e gjatë e nxehtësisë verore./MeteoBallkan
