Ministria e Arsimit, Shkencës, Teknologjisë dhe Inovacionit (MASHTI) ka shpallur thirrje publike për mbështetje financiare të studentëve në fushat e shkencës, teknologjisë, inxhinierisë dhe matematikës (apo STEM) të arsimit të lartë në Kosovë.Sipas njoftimit të MASHTI, thirrja synon të mbështesë shkollimin e studentëve që studiojnë në institucionet publike të arsimit të lartë në Kosovë në programet STEM në vlerë prej 1 mijë euro.Shuma totale e ndarë për këto bursa është 2 milionë euro, kurse përfitues do të jenë 2 mijë studentë.
Shumë e lumtur të ndaj me ju lajmin se edhe këtë vit po vazhdojmë mbështetjen financiare të vajzave dhe grave në fushat e Shkencës, Teknologjisë, Inxhinierisë dhe Matematikës (apo STEM) të arsimit të lartë në Kosovë. Këtë vit, me dyfishim të buxhetit nga 1 milion në 2 milionë, e me rritje të numrit të përfitueseve nga 1 mijë studente vajza/gra në 2 mijë, po rrisim përfshirjen e studentëve tanë në fushat STEM. Gjithashtu, kësaj radhe po përkrahim edhe djemtë/burrat në këto fusha prioritare.
Të gjitha detajet e hollësishme të konkursit i gjeni në këtë thirrje: https://masht.rks-gov.net/thirrje-per-mbeshtetje…/
Procesi i aplikimit do të realizohet online përmes platformës E-Kosova, në linkun: https://ekosova.rks-gov.net/435. 
E ardhmja është STEM!
