Kësaj radhe masat e fuqishme ciklonike do të përfshijnë edhe Ballkanin dhe territoret tona me “dëbimin” e anticiklonit afrikan shira intensive priten edhe në shumë pjesë të Shqipërisë, Kosovës dhe Maqedonisë së Veriut.
Vende-vende presim rrebeshe intensive shiu me vetëtima dhe bubullimë sidomos në pjesët bregdetare të Shqipërisë dhe jug të Malit të Zi, por rrebeshe intensive kalimtare priten edhe në Kosovë dhe Maqedoninë Veriore, por me uljen e temperaturave pastaj vazhdojnë në formë të reshjeve të shiut të cilat do të intensifikohen gjatë ditës së martë kur vende-vende priten shira të dendura, ndërkohë që rrebeshet me bubullima vazhdojnë në shumë pjesë të Shqipërisë.
Temperaturat do të shënojnë ulje të ndjeshme pas një periudhe jashtëzakonisht të gjatë me temperatura shumë të larta verore.
Thatësia ekstreme merr fund për shumë vende dhe ky shi do të jetë i një rëndësie të madhe për shkak të thatësisë ekstreme të tokës. Normalisht mund të kemi grumbullim të ujërave në disa zona sepse toka e thatë nuk do të jetë në gjendje të përballojë sasinë e madhe të reshjeve, por këto do të jenë probleme kalimtare.
Shira të dendura priten edhe në Evropë dhe me uljen e temperaturave në rajonet Alpine do të fillojnë reshje të dendura bore, fenomen plotësisht normal për rajonet Alpine.
Portale të ndryshme po “nxitojnë” duke bërë sensacion për borën në Alpe e cilat bjen edhe në Korrik dhe Gusht nganjëherë e lëre më në Shtator.
Sidoqoftë, pas një vere shumë shumë të nxehtë disa ditë do të shijojmë vjeshtën e hershme. Në mesjavë do të kemi rritje të përkohshme të temperaturave, ndërsa një tjetër ciklon sjellë reshje të reja afër fundit të javës dhe ulje edhe më të forta të temperaturave./MeteoBallkan
