Nga dita e nesërme temperaturat shënojnë ulje në rajonin tonë për arsye të afrimit të masave ajrore pak më të freskëta ciklonike nga Mesdheu të cilat origjinen e kanê në Atlantik.
Gjatë ditës së nesërme po ashtu pritet ri-aktivizimi i erërave jugperëndimore të cilat në disa rajone mund të jenë tê fuqishme. Pritet të ketë edhe zhvillime të vranësirave konvektive të cilat pritet të kushtëzojnë rrebeshe lokale shiu me vetëtima dhe bubullimë. Rrebeshet nuk pritet të zgjasin shumë.
Vende-vende priten rrebeshe të fuqishme shiu me vetëtima, bubullimë dhe mundësi edhe për breshër, por reshjet nuk do të përfshijnë tërë territorin. Përderisa një rajon goditet nga një rrebesh i fortë dhe furtunë, rajoni tjetër shumë afër mund të mos përfitojë asnjë pikë shiu. Kjo është natyra e reshjeve pranverore dhe verore.
Sidoqoftë, ato rajone të cilat nesër nuk përfitojnë reshje shiu do të kenë shansin e artë për fundjavë kur pritet që reshjet e shiut të jenë shumë më të zgjeruara dhe më përfshirëse./Meteoballkan
