Në fotografinë kryesore mund ti shihni temperaturat momentale në tërë Kontinentin Evropian. Nëse shikoni mbi Rusi shihet masa gjigante e akullt ajrore e cila ka zënë vend me qendër në Siberi. Mbi Siberi dhe Rusi është krijuar një bllok shumë e fuqishëm anticiklonik i cili mban ajrin e akullt të ngujuar jo shumë larg rajonit tonë. Mjafton vetëm një korridor ajror dhe kjo masë e akullt do të mund të depërtonte në drejtim të Evropes dhe rajonit megjithatë për këtë duhet të krijohen disa kushte të veçanta sinoptike dhe këtë për momentin nuk e lejon Atlantiku.
Sidoqoftë ne gjendemi nën ndikimin e masave të nxehta ajrore me origjinë nga Atlantiku dhe Mesdheu dhe kjo do të vazhdojë edhe për disa ditë.
Fillimi i Dhjetorit mund të na sjellë goditjen e parë dimërore dhe për këtë gjasat po rriten gjithnjë e më shumë megjithatë duhet të presim ende dhe të shohim evoluimin e gjendjes sinoptike ditëve të ardhshme./Meteoballkan
