Nga sot në Kosovë, Shqipëri dhe Maqedoni do të shtrihen fusha të thata ajrore anticiklonike si dhe do të fillojnë të depërtojnë edhe masat ajrore më të nxehta nga Afrika Veriore.
Pra, vazhdon thatësia e madhe e cila ka përfshirë territoret tona. Sot si në Kosovë po ashtu edhe në Shqipëri dhe Maqedoni do të mbajë mot kryesisht me diell dhe vranësira të pakta. Temperaturat do të shënojnë ngritje të ndjeshme kurse erërat do të fillojnë të fryjnë nga drejtimi i jugut dhe jugperëndimit.
Të Shtunën do të mbajë mot i ngjashëm me përjashtim të ekstremit veriperëndimor të Shqipërisë dhe ekstremit jugor të vendit ku priten reshje lokale shiu. Në rajonet tjera do të mbajë mot i thatë dhe me erëra mesatare jugore. Mot i ngjashëm do të mbajë edhe ditën e diel pra pa kurrfar ndryshimi.
Informacione tjera në postimet tona të ardhshme në Meteoballkan.
