Reshjet e orëve të fundit kanë rikthyer edhe njëherë përmbytjet në Belgjikë. Në veçanti, në provincën e Namur disa shtëpi janë evakuuar për shkak të një shembjeje, ndërsa në Dinant makina janë dëmtuar nga rrymat e forta të ujit.
Përmbytjet shkaktuan 36 vdekje javën e kaluar në Belgjikë, ndërsa 7 persona janë ende të zhdukur.
Qindra kërkesa për ndihmë arritën në njësitë e zjarrfikësve, ndërsa autoritetet lëshuan paralajmërime duke iu bërë thirrje qytetarëve të shmangin lëvizjet me makinë.
