Pas konfirmimit të vdekjes së një fëmije 5-vjeçar nga vërshimet në Pejë, Policia e Kosovë ka njoftuar se është gjetur pa shenja jete edhe nëna e tij që ishte e zhdukur.
Vdekjen e saj e ka konfirmuar ekipi mjekësor rreth orës 01:20 të dielën, ka bërë të ditur Policia.
Ngjarja ka ndodhur në rrugën “Asllan Qeshme”.
“Drejtoria Rajonale e Policisë Pejё, njofton se me datё 24.06.2023 si pasojё e vërshimeve nё qytetin e Pejёs, nё lagjen “Asllan qeshme” njё fёmijё ka humbur jetën ndërsa nëna e tij ёshtё e zhdukur.
Pas kërkimeve nga njësitet Policore rreth orёs 01:20, tё datës 25.06.2023, ёshtё gjetur personi i zhdukur femër , vdekjen e viktimës e ka konstatuar ekipi mjekësor”, njofton Policia.
Në rrjetet sociale janë publikuar pamje të kësaj rruge mëngjesin e sotëm. Gjendja shihet të jetë e rëndë me makina të përmbysura nëpër rrugë e dëme të tjera materiale.
Në videon më poshtë mund të shihni se si ishte gjendja mbrëmë aty:
