Një tornado përbindësh ka përfshirë Jefferson City në Missouri natën e së mërkurës duke lënë gjurmë shkatërrimi.
Ndërkohë, sipas mediave të huaja, përcjell Telegrafi, pamjet e tmerrshme të marra nga droni tregojnë pasojat e stuhive me ndërtesa të dëmtuara dhe gjëra të shpërndara nëpër rrugë.
Siç bëhet e ditur tutje, më shumë se 90 tornado kanë goditur dhe shkaktuar kërdi në të gjithë Heartland këtë javë.
Patrulla e Shtetit të Autostradës në Missouri konfirmoi se Kenneth Harris (86) dhe Opal Harris (83) vdiqën në stuhinë që goditi këto pjesë gjatë natës.
Çifti u gjetën 200 metra nga banesa e tyre në Golden City, në jugperëndim të Missouri.
Ndërkohë, Betty Berg, 56 vjeçe, u gjet e vdekur mes mbeturinave jashtë shtëpisë së saj të lëvizshme në Golden City. Burri i saj, Mark Berg, 56 vjeç, pësoi lëndime të rënda.
Stuhia dëmtoi gjithashtu një çati në një fabrikë plehrash në zonë, duke nxitur një evakuim paraprak prej një rreze prej 1 milje për shkak të një rrjedhje të mundshme kimike.
