Sot në Kosovë pritet të kemi mot stabil dhe kryesisht me diell. Mëngjesi do të jetë i ftohtë, me ngrica dhe në shumë vende me mjegull ku temperatura do të zbresë deri në -2 gradë Celsius.. Dita e ngrohtë për këtë periudhë kohore me temperatura nga 9 deri në 13 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe i ngrohtë për këtë periudhë kohore. Mëngjesi i ftohtë, vende-vende me mjegull dhe ngrica.
Edhe dita e Enjte do të jetë kryesisht me diell dhe e ngrohtë për këtë periudhë kohore. Normalisht mëngjesi do të jetë i ftohtë, vende-vende me mjegull
Të premten përkeqësim gradual i motit. Do të fryjnë erëra ende të ngrohta nga jugu. Gjatë ditës ose pasdite shtim masiv i vranësirave, vende-vende me reshje shiu (Kosovë) e rrebeshe lokale shiu me vetëtima dhe bubullimë (Shqipëri).
Të Shtunën erërat do të ndryshojnë drejtim dhe do të fillojnë të fryjnë të ftohta nga veriu. Shiu do të shndërrohet në borë dhe në shumë vende priten reshje bore.
Sipas ecuria aktuale sinoptike të dielen pas një përmirësimi të shkurtër të motit do të kemi ciklonin e ri me reshje të reja bore. Potencialisht mund të kemi reshje të dendura bore dhe situatë tipike dimërore, por kjo periudhë është kogja e gjatë dhe ende mbeten hapësira për ndryshime./MeteoBallkan
