Sot në Kosovë na pret mot stabil, me diell dhe i ngrohtë për këtë periudhë kohore. Mëngjesi do të jetë i ftohtë, vende-vende me ngrica dhe mjegull kalimtare. Dita stabile dhe me diell. Temperaturat nga -2 deri në 14 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe i ngrohtë për këtë periudhë kohore. Mëngjesi lokalisht me ngrica të dobëta dhe mjegull. Dita stabile, por me shtim të vranësirave sidomos në veri të Shqipërisë, lokalisht edhe në jug dhe viset bregdetare.
Të premten ndryshim i motit, por mbetet ende relativisht ngrohtë. Vende-vende priten reshje shiu e rrebeshe lokalisht intensive me vetëtima dhe bubullimë (Shqipëri). Edhe në Kosovë shtim gradual i vranësirave e reshje lokale shiu. Gjatë natës depërtim i ftohtit të ftohtë dhe reshje bore në shumë pjesë të Kosovës, verilindjes së Shqipërisë dhe Maqedonisë së Veriut. Në viset kodrinore-malore priten intervale reshjesh të dendura bore, por lokalisht edhe në disa ultësira të rajoneve të lartëpërmendura.
E Shtuna e vranët, e ftohtë dhe me reshje bore sidomos në mëngjes dhe paradite. Pasdite reshjet pritet të pushojnë.
Të dielën pritet përmirësim i shkurtër i motit, ndërsa të Hënën depërtimin e ciklonit të fuqishëm me reshje shiu, pastaj edhe me reshje bore./MeteoBallkan
