Të Martën në Kosovë pritet të mbajë mot relativisht i freskët, me vranësira e intervale kohore me diell. Vende-vende priten reshje shiu dhe rrebeshe lokale me vetëtima dhe bubullimë. Temperaturat maksimale pritet të luhaten nga 22 deri në 26 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot mjaft i paqëndrueshëm, me intervale kohore me diell dhe vranësira të cilat pritet të zhvillohen duke krijuar kushte për rrebeshe lokale shiu me vetëtima dhe bubullimë.
Pasdite në shumë pjesë të Shqipërisë priten shtrëngata të fuqishme lokale me mundësi për breshër. Disa shtrëngata të izoluara mund të zhvillohen edhe në pjesë të Maqedonisë së Veriut dhe Luginës së Preshevës.
Të Mërkurën priten më shumë intervale kohore me diell dhe gjithashtu temperaturat do të shënojnë rritje, por ende do të ketë gjasa për riga apo rrebeshe afatshkurtra shiu me ndonjë vetëtimë dhe bubullimë.
Nga e Enjtja më shumë diell dhe më nxehtë./MeteoBallkan
