Të Mërkurën në Kosovë parashihet të mbajë mot kryesisht i vranët dhe jo aq i ftohtë. Rrallë në disa vise mund të ketë reshje afatshkurtra shiu e në male ndonjë reshje e shkurtër bore. Në përgjithësi do të jetë thatë.
Temperaturat do të lëvizin nga 0 deri në 7 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht i vranët dhe në disa zona me intervale të shkurtra kohore me diell. Rrallë në disa vise priten reshje të dobëta atmosferike.
Të Enjten reshje shiu do të fillojnë në Shqipëri së pari, pastaj do të përhapen edhe në Kosovë, Maqedoninë Veriore dhe Luginë të Preshevës. Në viset kodrinore-malore priten reshje bore. Reshje shqote e bore mund të paraqiten shkurtimisht edhe në disa vise paksa më të ulëta mbidetare por jo në zonat më të ulëta.
Nga dita e Premte vazhdon mot i ndryshueshëm, me periudha pa reshje dhe periudha me reshje lokale atmosferike. Reshje të dendura mund të kemi ditën e fundit të javës./MeteoBallkan
