Në Shqipëri mot mjaft i ftohtë. Reshje bore kryesisht të intensitetit të dobët priten në veri, lindje dhe juglindje të vendit. Reshjet më të theksuara do të jenë në juglindje, kurse në rajonet tjera mund të ketë reshje të dobëta ose hiç fare. Temperaturat do të vazhdojnë të ulen.
Në Maqedoni mot shumë i ftohtë, me erëra të ftohta veriore dhe me reshje lokale bore, reshjet më dendura të borës priten në jug, juglindje dhe jugperëndim të Maqedonisë. Stuhi të fuqishme bore dhe shiu nesër do të përfshijnë Greqinë dhe Turqinë, kurse stuhi të fuqishme bore do të përfshijnë edhe Bullgarinë. Reshje bore priten edhe në Bosnjë dhe Hercegovinë, veriun e Malit të Zi dhe jugperëndimin dhe perëndimin e Serbisë. Më së paku reshje bore në qendër të Kosovës në drejtim të perëndimit.
Ndjesia subjektive e të ftohtit do të jetë mjaft e fuqishme në tërë rajonin për shkak të erërave të ftohta veriore.
Edhe ditëve të ardhshme do të jemi nën ndikimin e temperaturave të acarta Siberike, ku herë pas here në disa rajone priten edhe reshje bore, por për këtë dhe informacione tjera në postimet tona të ardhshme./Meteoballkan.
