E gjithë Shkodra mbrëmë u përfshi nga reshje shiu, me një dendisitet shumë të lartë.
Kjo ka sjellë edhe daljen jashtë funksioni të kolektoreve të qytetit të cilët nuk i kanë përballuar prurjet.
Rrugët e kryeqendrës së veriut janë mbuluar nga uji dhe pedonalja thuajse është kthyer në një “lumë të rrëmbyeshëm”, duke sjellë kështu probleme me lëvizjen e qytetarëve.
Edhe sot në Shqipëri pritet mot me alternime mes vranësirave dhe intervaleve kohore me diell.
Vende-vende priten riga lokale dhe rrebeshe të izoluara shiu me bubullimë.